Skip to main content

LEGENDA KABUPATEN KENDAL (Bahasa Jawa)


 Image result for pohon kendal


Kendal minangka kabupaten ing Jawa Tengah sing dumunung ing pantai Lor Jawa. Wilayah Barat kabupaten kendal batase karo Kabupaten Batang lan Wilayah Timur batase karo Kota Semarang. Kendal minangka kutha sing cukup tua lan jenenge dijupuk saka wit kendal. Wit sing godonge akeh iku wis dikenal wiwit jaman Kerajaan Demak ing taun 1500-1546  yaiku ing mangsa pemerintahan Sultan Trenggono.

Wiwitane cerita Kendal yaiku ing jaman semono meh setengahe wong Jawa wis mlebu agama Islam. Kerajaan Majapahit sejatine isih ana, nanging pamore wis mudhun amarga perang lan agama Islam mlebu Tanah Jawa. Ditambah, Portugis alon-alon ngadake kerjasama dagang karo pantai utara Banten. Nanging, kendal dhewe penduduke isih agama Hindu amarga adipati Majapahit sing mimpin wektu kui, Mpu Pakuwojo. Dheweke yaiku adipati Majapahit sing isih ana lan uga agamane Hindu.

Islam wis wiyar sanget amargi ngadekke Kerajaan Demak sing digawe dening Raden Patah uga minangka putra asli Majapahit. Adipati-Adipati akeh sing mundur saka Majapahit lan gabung karo Demak lan mlebu Islam. Dadine Kerajaan Majapahit suwe-suwe tambah cilik. Ing wiwitane abad 16 wonten perang Majapahit karo Demak. Raden Patah minangka putra saka Majapahit dadi panglima perang lan ngadhepi saudarane dhewe. Wiwitane majapahit lan Demak isih seimbang, banjur kuwalik 180 derajat amarga saudarane Raden Patah khianat. Dadine ing pungkasan Majapahit isa kalah nalika akhire Majapahit mangsa suwene 3 abad (1284-1501).

Mbalik maneh menyang Kendal, Mpu Pakuwojo yaiku wong sing keras dening Hindu. Dheweke nentang sanget mlebune agama Islam ing Kendal. Malah nalika ana warga Kendal sing mlebu Islam dheweke bakal ngukum wargane dewe.

Banjur teka ulama sekti ingkang gadhah asma Sunan Katong sing nduwe karep nyadarke Mpu Pakuwojo. Sunan Katong dhewe mbiyen ugo petapa Hindu sing sekti. Nanging pungkasane dheweke mlebu Islam. Nalika Sunan Katong pingin nyebarke agama Islam ing Kendal, Mpu Pakuwojo wis jelas nglawan tenanan lan malah nantang Sunan Katong kanggo ngadu kasekten. Amarga Mpu Pakuwojo ngetoke keris sektine kanggo ngajar Sunan Katong dadine Sunan Katong kapaksa ngadu kasekten karo Mpu Pakuwojo. Nanging Mpu Pakuwojo kalah nganti dheweke mlayu. Sunan Katong lan para santri terus ngudak. Mpu Pakuwojo wis kesel dadi dheweke ndhelik ing batang wit sing ngisor kaya ana guone. Dheweke mikir ora bakal ana sing ngerti yen dheweke ndhelik ana ing kono. Nanging, takdir nemtokake yen Mpu Pakuwojo uga kecekel karo Sunan Katong. Mpu Pakuwojo akhire nyerah lan mlebu agama Islam kanthi syarat ora ana kekerasan lan dipeksa.

Sunan Katong ngendika, "ning ngisor wit iki Mpu Pakuwojo sadar lan mlebu agama Islam, dadine panggenan iki tak jenengi Kendal, Kendal artine dalan pambuka utawa pambuka kesadaran".

Ing masa sabanjure wilayah kendal dipimpin wong sing jenenge Joko Bahu sing dikenal dadi wong sing tresna sapadhane lan kerja keras, dadine deweke isa majuke wilayahe. Amarga saka berhasile kasebut Sultan Agung Hanyakrokusumo ngangkat dheweke dadi Bupati Kendal ingkang gadhahi gelar Tumenggung Bahurekso. Sakliyane iku Tumenggung Bahurekso uga diangkat dadi Panglima Perang Mataram nalika tanggal 26 Agustus 1628 kanggo mimpin puluhan ewu prajurit ngusir VOC ing Batavia. Ing perang tanggal 21 Oktober 1628 ning Batavia Tumenggung Bahurekso bebarengan karo sakpasang putrane dadi Kusuma Bangsa. Saka lelungan Sang Tumenggung Bahurekso nyerang VOC ing Batavia tanggal 26 Agustus 1628 iku banjur didadikake patokan sejarah lahire Kabupaten Kendal.

Ing sabanjure kanthi momentum sedane Tumenggung Bahurekso dadi dina ngadekke Kendal dinile sawetara kalangan kurang trep. Amarga momentum kasebut minangka sejarah elek kanggo tokoh Bahurekso. Dadi yen tanggal kasebut dijupuk minangka momentum dina dadi dikhawatirke bakal nggawa efek psikologis. Anane istilah "gagal lan gugur" ing Jawa mitologi bakal nduwe pengaruh elek marang pola pikir, cipta lan karsa warga Kendal. Dadine rasane kurang trep yen didadike minangka tanggal muncule Kabupaten Kendal.

Saka hasil Seminar sing diselenggarakake tanggal 15 Agustus 2006, kanthi ngundang pakar lan pelaku sejarah, kayata Prof. Dr. Djuliati Suroyo (Guru Besar Fakultas sastra Undip Semarang), Dr. Wasino, M.Hum (dosen Pasca Sarjana Unnes) H. Moenadi (Tokoh Masyarakat Kendal kanthi moderator Dr. Singgih Tri Sulistiyono, lan sawise rampung riset lan pengkajian kanthi komprehensif setuju lan ngumumake yen momentum pengangkatan Bahurekso minangka dadi Bupati Kendal, didadekake ulang tahun Kabupaten Kendal. Panunjukan kasebut pas tanggal 12 Rabiul Awal 1014 H utawa 28 Juli 1605. Penetapan ulang tahun iki ditindakake kanthi Peraturan Daerah (PERDA) Kabupaten Kendal Nomor 20 Tahun 2006, tentang Lembaran Daerah Kendal (Lembaran Negara Republik Indonesia Nomor 20 Tahun 2006 Nomor E Seri 15).
Labels:

Comments

Post a Comment

Popular posts from this blog

LEGENDA SEMARANG (Bahasa Jawa)

Ing jaman kuna ing Jawa Tengah ngadeg kerajaan Demak sing dadi salah sawijining kerajaan Islam. Wonten pangeran misuwur jenenge yaiku Raden Made Pandan. Piyambake niku ulama lan Muh. Akeh wong kang hormat lan segan marang Piyambake. Piyambake nduweni putra sing jenenge Raden Pandanarang. Sami uga kaliyan bapake, Raden Pandanarang misuwur minangka putra ingkang sopan, ramah, becik lan hormat marang wong tuwa. Banjur Raden Made Pandan ngajak putra lan pandherekipun kanggo ninggalake Kesultanan Demak. Wong-wong padha menyang kulon kanggo nggolek tlatah anyar sing bakal dienggoni. Pirang-pirang dina ing dalan, banjur Raden Made Pandan mandheg lan ngrasa remen karo daerah sing ditemtokake kanggo dumunung. Alas kasebut kabukak lan didegke pondok pesantren lan tanah tetanen. Ing panggonan anyar kasebut Raden Made Pandan ngajar agama Islam marang pandherekipun. Suwe-suwe ing Tlatah kono akeh wong kang teka ngolek ilmu agama ing pondok pesantren. Ing panggonan kasebut Raden Made ...
1 comment
Read more

LEGENDA DESA LALAP

Zaman dahulu kala ada sebuah cerita di tanah Sulawesi. Di sebuah pedalaman yang belum berpenduduk, karena sebagian besar berupa hutan sehingga hanya orang yang berlalu lalang ketika pulang dan pergi. Daerah tersebut banyak ditumbuhi tanaman lalap. Tanaman ini digunakan warga sekitar untuk membungkus makanan agar tetap awet dan maknyus. Sebelum terjadi perluasan daerah, wilayah tersebut masih merupakan bagian dari tuladenggi, namun karena manusia semakin banyak sehingga sebagian warga berpindah dan mendirikan rumah di beberapa bagian di sekitar hutan. Pelan tapi pasti, mulailah tumbuhan lalap berkurang karena di bersihkan untuk dijadikan rumah-rumah warga. Seiring berjalannya waktu desa ini semakin berkembang sehingga desa tersebut dinamakan Desa Lalap.  Perkembangan zaman dan perluasan wilayah menyebabkan tumbuhan lalap semakin sulit untuk ditemukan. Walaupun masih ada jumlahnya semakin berkurang. Hal ini di dikarenakan bahan pembungkus dari plastik dan kertas karena leb...
Post a Comment
Read more